- USD
- 443.85 - EUR
- 474.3 - CNY
- 61.25 - RUB
- 4.8
- 443.85
- 474.3
- 61.25
- 4.8
2 года назад
Almaty Investment Forum 2021 барысында шаһар әкімінің орынбасары Мұхит Әзірбаев қаланы дамыту жоспарымен бөлісті, деп жазды inbusiness.kz. Алматыда туризм саласын дамыту үшін жалпы құны 24 млрд теңге болатын жобалар жүзеге асырылуда. Олар: «Медеу Парк» қонақ үйі, «Qazaq ауыл» экоқонақ үйі және «Butakovka Wellness & Spa» кешенінің құрылысы жүргізілуде. «Алматының перспективалы бағыттарының бірі – туризм. Біздің мегаполис өңірлік туризмнің танымал орталығы, бірегей табиғаты, климаты жайлы, туристік хабты дамыту үшін тұрақты және қауіпсіз аймақ. Қалада 3 мыңнан астам мейрамхана мен дәмхана бар, көптеген мұражайлар мен театрлар жұмыс істейді», – деді Мұхит Әзірбаев. Оның айтуынша, қаланың экотуризмді дамытуға мүмкіндігі зор. «Мегаполисте қазірдің өзінде бірқатар жобалар жүзеге асырылуда. Мәселен, 2021 жылдың желтоқсан айында «Шымбұлақ» демалыс базасы ашылады», – деді қала әкімінің орынбасары. 2022 жылы 455 млн теңгеге екі визит орталық салу жоспарлануда. Олар Бутаковка шатқалында және Үлкен Алматы көлінің аумағында орналасады. Сонымен қатар Мұхит Әзірбаев Алматыдағы Holiday Inn Express, Swissotel Wellness Resort Alatau, «Жетісу» қонақ үй кешені, «Шымбұлақ Resort» қонақ үйінің құрылысына 54,4 млрд теңге инвестицияланғанын еске салды.
